Засгийн газар өнөөдөр ээлжит бусаар хуралдаж, Оюутолгойгоос орж ирэх ногдол ашгийн зарцуулалтын талаар хуулийн төслөө буцаан татахаар болжээ.

Сангийн сайд З.Мэндсайхан "Засгийн газар нийгмийн суурь дэд бүтцийн асуудлыг шийдвэрлэх хуулийн төсөл оруулж ирсэн ч төсөв танигдахгүй болж Засгийн газрын өргөн барьсан хуулийн бодлого алдагдаж байна. 

Мөн Оюутолгойн ногдол ашгийг хэрхэн зарцуулах талаар санал асуулгад 96.6 мянган иргэн оролцсоноос дийлэнх нь "Хуримтлалын сан"-д хадгалах санал өгсөн тул ногдол ашгийн 2 их наяд төгрөгийг төсөл, арга хэмжээнд зарцуулах саналаа Засгийн газар буцаан татаж байна" гэв.