SpaceX, Tesla компаниудыг үндэслэгч Илон Маск $200 тэрбум доллар алдсан тухай Bloomberg мэдээллээ. Санхүүгийн оргил үе болох 2021 оны арваннэгдүгээр сард Илон Маск $340 тэрбум долларын хөрөнгөтэй байжээ. Tesla цахилгаан машины үйлдвэрийн хувьцаа нь эрс унаснаар түүний хөрөнгө үлэмж хэмжээгээр дундарчээ. Twitter компанийг $ 44 тэрбумаар авсны дараа хөрөнгө нь буурсаар $137 тэрбум долларт хүрчээ. Энэ нь Маскийн хөрөнгийн сүүлийн хоёр жилийн хамгийн их уналт боллоо. Өнгөрсөн онд Tesla компанийн үнэлгээ $ 390 тэрбум хүртэл буурсан. Гэтэл нэгдүгээр сард тус компанийн үнэлгээ $ 1,2 их наяд байв.

Гэсэн ч Маск хөрөнгөөрөө дэлхийн баячуудын жагсаалтын хоёрт бичигдэж буй. Жагсаалтыг одоо LVMH (Louis Vuitton Moet Hennessy) гэх компаниудын группын эзэн Бернар Арно $ 162  тэрбумтайгаар тэргүүлж явна гэж Bloomberg үзжээ.