Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс өнгөрсөн оны арванхоёрдугаар сард хотын дарга асан Э.Бат-Үүлийг гэм буруутайд тооцож, дөрвөн жилийн хорих ял оноосон билээ. 

Э.Бат-Үүл шүүх хурлын дээрх шийдвэрийг эсэргүүцэж, өмгөөлөгчөөрөө дамжуулж давж заалдахаа мэдэгдэж, давж заалдах гомдлоо гаргасан байдаг. Улмаар өнөөдөр нийслэлийн давж заалдах шатны шүүхэд нийслэлийн Засаг дарга бөгөөд Улаанбаатар хотын Захирагч асан Э.Бат-Үүлийн давж заалдах шатны шүүх хурал болж байна. Шүүх хурлыг өнөөдөр 09.00 цагт товлосон ч түр хойшлуулсан юм. Учир нь, шүүгчдэгчийн өмгөөлөгчийн зүгээс Э.Бат-Үүлийг шүүх хуралд биечлэн оролцуулах хүсэлт тавьсан юм. Ийнхүү 11:00 цагт шүүгдэгч Э.Бат-Үүл өөрийн биеэр ирснээр шүүх хурал эхэллээ.