УИХ-ын гишүүн С.Бямбацогт чуулганы нэгдсэн хуралдааны үеэр Хар усан нууранд ондатрийн тоо толгой өсөж, нуурын газар нутгийг талхалж байна. Тиймээс ондатра агнахыг үнэгүй болгож өгөхийг хүслээ. Түүний хэлснээр Хар усан нуурын 60 арлын 30 орчим нь үгүй болсон. Анх 50 тоо толгойг нутагшуулж байсан бол өнөөдөр тоо толгой нь 100 мянгыг давсан. Энэ нь тоо толгойноосоо хэтэрч газар нутаг талхлаад байна гэлээ. Хуулийн дагуу ондатра агнахыг хориглодог. Агнах тохиолдолд төлбөр төлдөг юм.

Харин БОАЖЯ-ны зүгээс “Орон нутагт ондатрын тоо толгой өсөж байна гэж мэдээлэл ирж байна. Одоо хуулийн дагуу агнахыг хориглосон байдаг. Орон нутгийнх нь зүгээс судалгаа хийгээд нүүлгэн шилжүүлэх үү, яах уу гэдгийг судалж байна. Нэгдсэн шийдвэр гараагүй байна” гэлээ.