Байгаль орчныг хамгаалах тухай хуульд нэмэлт оруулах тухай хуулийн төсөл болон хамт өргөн мэдүүлсэн Байгаль орчинд нөлөөлөх байдлын үнэлгээний тухай хуульд нэмэлт, өөрчлөлт оруулах тухай хуулийн төслийг хэлэлцэж байна. Энэ үеэр нийслэлээс гадна аймгийн төвүүдийн агаарын бохирдлын асуудлыг хөндөв. Энэ талаар БОАЖ-ын сайд Б.Бат-Эрдэнэ “Аймгийн төвүүдийн агаарын бохирдол нийслэлээс давсан. Утаагүй үйлдвэр барих тухай асуудал зарим гишүүдээс гарч байна. Аймгийн төвийг бодвол нийслэл агаарын бохирдол багатай байна” гэлээ.

Мөн энэ үеэр тусгай хамгаалалттай газар нутгийн тухай хуульд томоохон өөрчлөлт хийхээр ажиллаж байгаа гэж салбар яамнаас мэдээллээ. Хуулийн төсөл дээр БОАЖ таван жил ажиллаж байгаа юм байна.