Манай улсын инфляцын түвшин хоёр оронтой тоонд ороход дөхөөд байна. Тухайлбал, өнөөдөр инфляц улсын хэмжээнд 9.7 хувьтай, нийслэлд 9.3 хувьтай байна. Инфлцад хүнсний бүтээгдэхүүний болон шатахууны үнээс шалтаалсан тээврийн зардлын өсөлт, импортын барааны өсөлт гэсэн гурван том хүчин зүйл нөлөөлжээ. Хүнсний бүтээгдэхүүний үнийн өсөлтийн тухайд цар тахлаас шалтгаалсан үйлдвэрлэл, тээврийн зардал, нийлүүлэлтээс шалтгаалсан тасалдал зэрэг нөлөөлсөн. Харин тээврийн зардал өсөхөд дэлхийн зах зээл дээрх газрын тосны ханш өссөн нь манайд шатахууны үнэ нэмэгдэхэд хүргэсэн. Ингээд тээврийн зардал өссөн юм. Тээврийн зардал бол үйлдвэрлэл нийлүүэллтийн анхдагч байдаг. Гуравдагч хүчийн зүйл буюу импортын барааны үнийн өсөлтийн тухайд хилийн хязгаарлалтаас шалтгаалсан  юм.

Импортын барааны үнийн өсөлт нь 9.3 хувьд хүрсэн инфляцын тал хувийг дангаар бүрдүүлж байгаа юм. Товчхондоо бол үнийн өсөлтөд импортын барааны өсөлт хамгийн их нөлөөлжээ.

Импортын бараа бүтээгдэхүүн бол сагсны хэрэглээний 45 хувь байдаг. Өөрөөр хэлбэл, монголчуудын хамгийн их хэрэглэдэг бараа бүтээгдэхүүн гэсэн үг юм. Дотоодын барааны тухайд өндөг, талхны үнэ өсжээ. Тэгвэл нөгөө талд өрхийн орлого 1.3 хувиар буурсан байна. Үүнийг задлахад өрхийн цалингийн орлого дунджаар 40 мянган төгрөгөөр буурсан гэсэн мэдээллийг ҮСХ танилцууллаа. Өрхийн зарлага мөн өнгөрсөн оны мөн үеэс буурсан байна. Өөрөөр хэлбэл, орлого буурахад өрхүүд хүнснээс бусад бараа бүтээгдэхүүн буюу цахилгаан хэрэгсэл зэрэг  худалдан авах зардлаа мөн буулгажээ.