ҮСХ дундаж цалинг 1.3 сая төгрөг гэж танилцуулдаг. Гэтэл олон нийтийн зүгээс дундаж цалинг 1.3 сая төгрөг гэдэгтэй санал нийлүүлдэггүй. ҮСХ-г бодит байдлаас давсан статистик таницлуулдаг гэж шүүмжлэх нь бий. Харин энэ нь дундаж цалинг тооцох тооцооллоос болж байна гэж тус хороо тайлбарладаг. Яагаад дундаж цалин 1.3 сая төгрөг гэж үү? Тайлбарлъя. ҮСХ дундаж цалинг тооцохдоо хамгийн их буюу гурван сая төгрөгийн цалинтай ажиллагсдыг, хамгийн бага буюу 700 мянган төгрөгийн цалинтай ажиллагсдынхыг дундажлаж боддог байна. Ингэхээр дундаж цалин 1.3 сая төгрөг гардаг. Гэвч хөдөлмөр эрхэлдэг хүмүүсийн дийлэнх нь 700 мянган төгрөг хүртэлх цалинтай хүмүүс байдаг. Хөдөлмөрийн зах зээлд үйлчилгээний салбарынхан зонхилдог. Тэд 700 мянган төгрөг хүртэлх цалинтай. Тодруулбал, нийгмийн даатгалын шимтгэл төлөлтийн тайланд хамрагдсан  даатгуулагчдын 26 хувь нь 700 мянгаас 1.1 сая төгрөгийн цалинтай. Харин гурван саяас дээш төгрөгийн цалинтай даатгуулагчдын эзлэх хувь хамгийн бага буюу 5.7 хувь байгаа нь олон нийт дундаж цалинд эргэлзэхэд хүргэдэг байна.