Астразенека вакцины 3 дахь тунг  13 мянга гаруй хүн хийлгээд байна. Эхний ээлжид эмч, цагдаа, онцгой байдал зэрэг хариу арга  хэмжээний багийнхныг нэмэлт тунгаар сайн дурын үндсэн дээр Астразенека  вакцинаар дархлаажуулж байна. Цаашид 65-аас дээш насны 450 мянга орчим иргэнийг  3 дахь тунд хамруулах  асуудлыг судалж эхэлжээ.  Ингэхдээ “Файзер” вакцин хийхээр төлөвлөж, татан авалт хийж байгаа юм байна. 65-аас дээш насныханд гурав дахь тун хийх судалгааны үр дүнг ойрын хугацаанд танилцуулах гэнэ. Гурав дахь тунг хийхэд иргэдээс төлбөр авахгүй. Эхний тунтай адил сайн дурын үндсэн дээр хийнэ. Хоёр тундаа хамрагдсаны дараа коронавирусийн халдвараар өвчилж эдгэрсэн бол гурав дахь тунг хийлгэхгүй байж болно. Тэдгээр хүмүүсийн дархлаа өндөр тогтсон байдаг байна. Одоогийн байдлаар хоёр тунд хамрагдаад халдвараар өвдөж эдгэрсэн хүнийг гурав дахь тунд хамруулах шаардлагатай эсэх талаар хэлэлцэж байгаа юм байна. Гурав дахь тунд эмч, эмнэлгийн байгууллагын ажилтнуудыг нэн түрүүнд хамруулснаар хариу арга хэмжээндээ дэмжлэг үзүүлнэ гэж үзэн эхний ээлжинд эмч, цагдаа онцгой мэргэжлйн хяналт зэрэг улаан бүсэд ажиллах алба хаагчдыг хамрулж эхлээд байгаа юм.