Хоногт батлагдах халдварын нийт тохиолдолд хүүхдийн эзлэх хувь өсөх хандлагатай байгааг албаныхан мэдээлсэн. Тодруулбал, вакцин хийлгээгүй буюу Covid-19  тархах эрсдэлтэй бүлэгт хүүхдүүд багтаж буй. Багануур дүүргийн хэмжээнд өнөөдөр коронавирусын халдвараар авчилж буй хүмүүсийн 30 хувийг хүүхдүүд эзэлж буйг ЭМТ-ийн дарга Д.Шинэбаяр мэдэгдсэн.

Үүнтэй холбоотойгоор дүүргийн 16-17 насны хүүхдийг сайн дурын үндсэн дээр “Файзер” вакцинд хамруулахаар болж вакцины татан авалтыг хийжээ. Ингэхдээ хүүхдээ вакцинд хамруулахыг зөвшөөрсөн эцэг эх ӨЭМТ-дөө утсаар бүртгүүлэх шаардлагатай аж.

Үүнд:

• Нэгдүгээр хороо 70212088
• Гуравдугаар хороо 70213272
• Хоёр болон дөрөвдүгээр хороо 70212790
• Тавдугаар хороо 70210446 дугаараар бүртгүүлэх юм.

Дүүргийн хэмжээнд халдвар авсан нийт хүмүүсийн 30 хувь нь хүүхэд. 25,3 хувь нь коронавирусын эсрэг дархлаажуулалтын хоёр дахь тундаа хамрагдаад 14 хоносон иргэд байгаа бол үлдсэн 45 орчим хувь нь дархлаажуулалтад тодорхой шалтгааны улмаас огт хамрагдаагүй эсвэл эхний тунгаа хийлгэсэн иргэд байгаа юм.