Аймаг, нийслэл, сум, дүүргийн ИТХ-ын хурлын сонгуулийн сурталчилгааг нэр дэвшигчид үнэмлэх олгосон өдрөөс буюу есдүгээр сарын 30-ны өдрөөс аравдугаар сарын 13-ныг дуустал хугацаанд явуулна.

Хуульд зааснаар сурталчилгааг дараах арга, хэлбэрээр явуулахаар заажээ. Үүнд:

• Сонгуулийн сурталчилгааны материал хэвлүүлэх, сонгогчдод тараах;
• Нийтийн эзэмшлийн гудамж, талбайд сонгуулийн сурталчилгааны зурагт самбар байрлуулах;
• Хуульд өөрөөр заагаагүй бол намын далбааг гудамж талбайд байрлуулах, таних тэмдэг, уриа ашиглах;
• Сонгогчидтой уулзалт, хурал, цуглаан хийх;
• Ухуулах байр ажиллуулах;
• Радио, телевизийн сурталчилгааны нэвтрүүлэг ашиглах;
• Цахим орчин ашиглах;
• Өдөр тутмын болон бусад сонин, сэтгүүлд сонгуулийн сурталчилгааны материал нийтлүүлэх.

Сонгуулийн сурталчилгааны уулзалт, хандивын талаар сонгогчдод зар, урилга явуулсныг сурталчилгааны хэвлэмэл материалд оруулан тооцохгүй бөгөөд ийм төрлийн зар, урилга нь А5 хэмжээнээс илүүгүй байна.