Монголын хөл бөмбөгийн холбоо, Монгол Улсын Боловсролын их сургуультай хамтран хөл бөмбөгийн дасгалжуулагчийн бакалаврын зэрэг олгох 2.5 жилийн эчнээ ангидаа хоёр дахь элсэлтээ авч эхэллээ. Энэхүү "Атлете карьер" анги нь Монголд анх удаа хөл бөмбөгийн дасгалжуулагчийг бэлтгэн гаргасан. Анхны элсэлтээ 2017 онд авч 2020 онд төгссөн бөгөөд мэргэжлийн дасгалжуулагч болох хүсэл зорилготой хүн бүхэнд нээлттэй юм. "Атлете карьер" анги энэ жилээс мэргэжлийн сурах бичигтэй болж буй бөгөөд дэлгэрэнгүй мэдээллийг 99004794, 98451212 дугаараас аваарай.