Улсын төсвийн 2.8 тэрбум төгрөгийн хөрөнгө оруулалтаар 2019 онд барилгын ажил нь эхэлсэн Залуучуудыг ажлын байраар хангах, тогтвортой орлого бий болгох, ЖДҮДТ-ийн барилгын ажлын 2 дахь жилдээ үргэлжилж байна. Дүүргийн гуравдугаар хорооны нутаг дэвсгэрт баригдаж буй тус барилгын ажил энэ жил дуусч ашиглалтад орох учиртай. Дүүргийн Засаг дарга С.Даваасүрэн барилгын ажилтай танилцсан бөгөөд энэ үеэр зарим ажлын байр, өрөөнд хэрэглээний халуун усны шугам нэмж оруулах , барилгын ажлын явцад тулгамдаж буй асуудлын талаар гүйцэтгэгч компаний захирал, инженер, зургийн авторуудтай уулзаж санал солилцсон байна. Мэргэжлийн байгууллагаас өгсөн цахилгааны техникийн нөхцлийн дагуу тус барилгын цахилгаан хангамжийн нэмэлт хөрөнгийн асуудал шийдэгдэхгүй удаашралтай байгаа аж.