Өнөөдөр /2020.07.08/ өглөө 10:00 цагт Улаанбаатараас хөөрсөн Сөүл-Улаанбаатар чиглэлийн тусгай үүргийн онгоцоор өөрийн улсын 258 иргэнээ аван 17:50 цагт буюу дөнгөж сая "Чингис хаан” олон улсын нисэх буудалд газардлаа. Энэ нь долоодугаар сард БНСУ-аас иргэдээ татан авч буй 4 дэх удаагийн тусгай үүргийн нислэг юм. Нийт 258 иргэнийг ХӨСҮТ, Цэргийн төв эмнэлэг, “Ориентал”, “Алтай”, “Боржигон”, “Мичид” зочид буудлуудад тусгаарлах юм.